Mbështetës të opozitës janë mbledhur në një protestë para Kuvendit, ndërsa në seancë po diskutohet projektbuxheti i 2025-ës, i cili pritet të votohet në parim gjatë ditës së sotme.
Protesta e opozitës është cilësuar si solidaritet me pensionistët.
Deputetët e opozitës kundërshtojnë projektbuxhetin e 2025, më i madhi që ka pasur Shqipëria, me argumentet se ai nuk i shërben qytetarëve. Opozita ka vendosur theksin te ajo që nga ky buxhet nuk po ndihmohen pensionistët.
PD ka propozuar që minimumi jetik të jetë 200 euro në muaj. Gjithashtu opozita ka vënë theksin në mbështetjen që duhet ti jepet shtresave të ndryshme sociale në vend, përfshi edhe një buxheti më të madh për shëndetësinë, veçanërisht sa i takon sigurimit të medikamenteve dhe pajisjeve mjekësore në spitalet publike.
Në protestën që po zhvillohet kanë folur kryesisht pensionistë që kanë vënë theksin në atë që me nivelin e pensioneve që kanë nuk mund të përballojnë jetesën
Herë pas herë deputetë të opozitës i janë bashkuar protestës, duke lënë për disa minuta sallën e Kuvendit, dhe për t’u rikthyer sërisht ndërsa vijojnë debatet për projekt-buxhetin.
Discussion about this post