Nënkryetarja e LSI-së Monika Kryemadhi ishte e ftuar në emisionin e mëngjesit me gazetarin Bashkim Hoxha. Duke folur për zgjedhjet e 25 Qershorit Kryemadhi tha se LSI do të arrijë që përmes energjisë së të rinjve të jetë forcë e parë.
Duke komentuar sondazhet e publikuara në vend Kryemadhi u shpreh se sondazhet e bëra nga Sorosi kanë marrë në qafë edhe kandidaten për presidente në Amerikë Hillary Klinton.
Nënkryetarja e LSI-së u shpreh dhe për spotet e kundërshtarëve që sipas saj kanë në fokus liderët, ndërsa LSI-ja forcën e saj ka rininë.
‘’Pse janë të rinjtë për të dhënë votën dhe nuk qenkan për të drejtuar me pasion. Unë nuk kam asnjë kompleks me të rinjtë, se edhe nëse bëjnë gabim herën e parë, nuk do ta bëjnë më herën e dytë.
Njerëzit janë të lodhur nga politika, edhe nëse shohim fushatën dhe spotet e dy partive të vjetra janë dy liderat që njëri tregon shkollimin e tij dhe tjetri tregon si pi kafe në zyrë.
Ata bëjnë njëfushatë përgatitore drejt manipulimit që duan ti bëjnë zgjedhje, po unë jam e bindur që nuk do të mundin dot. Askush nuk mund të ndalë energjinë e të rinjve. Edhe ne bëjmë sondazhe, por sondazhet e Sorosit janë ato që morën në qafë edhe Hillari Klintonin.
Unë nuk mendoj se Meta është rikthyer në betejë, por ama vendi ka nevojë që njerëzit të thonë fjalën e tyre në mënyrë të vendosur. Ne nuk kemi frikë që të përballemi me përgjegjësitë tona, ky është ndryshimi që ne kemi me PS-në, ne s’iu jemi shmangur asnjëherë.
Reforma e Arsimit s’ka asnjë LSI-ja, po ashtu Reforma Administrative është një lëvizje e gabuar. Jo se është e keqe reduktimi i komunave, por për shkak se nuk ofrohet shërbimi i duhur.
“Ktheni në PS ata që rrinë në LSI për interes”, thuhet në titullin e një gazete për Ramën.
Nuk dua ta prish ditën e bukur sot duke iu përgjigjur, unë di që ka një zhgënjim shumë të madh te demokratët dhe socialistët, kjo pasi të dy ata që janë në krye i kanë marrë partitë si dhuratë”, u shpreh Kryemadhi. (E.K/SHUPLAKA)
Discussion about this post