Kreu i LIBRA-s Ben Blushi ka reaguar ndaj sondazhit të publikuar nga IPR Marketing në Ora News. Sipas Blushit ky sondazh nuk besohet pasi nuk ka popull që voton 90% për një qeveri.
“PSE LIBRA FITON ZGJEDHJET, JO SONDAZHET. Sipas një sondazhi Qeveria Rilindje-Cadra-LSI merr 90 për qind te votave. A ka popull që voton 90 për qind një qeveri? Sigurisht që jo. Prandaj nuk mund ti besoj sondazhit. LIBRA do marrë të gjitha votat e atyre që janë kundër Qeverisë dhe janë shumicë. Ky është ndryshimi i LIBRA me të tjerët. Ata duan të ndryshojnë popullin me ndihmën e Qeverisë, ne duam të ndryshojmë. Qeverinë me ndihmën e popullit. LIBRA ËSHTË RRUGA E RE.”, shkruan Blushi.
Këto janë rezultatet:
PS-43% me ulje nga viti 2013
PD-36% me rritje nga 2013
LSI– 12% me rritje nga 10,5%
LIBRA-2.3%
PDIU, FRD dhe partitë e tjera nuk do arrijnë të kalojnë pragun zgjedhor për zgjedhjet e 25 qershorit.
Por është e vështirë që të përkthehen këto shifra në mandate pasi ka një pjesë të konsiderueshme të njerëvze që nuk e dinë ende se kë do votojnë.
Plot 20,6 % është përqindja e votuesve që nuk e dinë se kë të votojnë dhe mund të kushtëzojë të dhënat.
