IPR Marketing ka sjellë sondazhin e dytë për zgjedhjet e 25 qershorit. Drejtori i IPR Marketing, Antonio Notto tha në Ora News se për të kryer sondazhin, janë intervistuar 1000 persona për çdo qark.
Në Elbasan: PS merr 7 mandate, PD 4 mandate, LSI 1-2 mandate. PDIU dhe LIBRA mund të fitojnë 0- 1 mandat.
Në qarkun Durrës sipas orientimit të votës: PS merr 6 mandate, PD 5 mandate, LSI 1-2 mandate. LIBRA e PDIU mund të fitojnë 0- 1. Në Durres janë 18. 5 % elektorati i pavendosur.
Ne qarkun Fier sipas orientimit te votes, PS mund të marrë 9- 10 mandate, PD 4-5 mandate, LSI 1-2 mandate. LIBRA e PDIU mund të fitojnë nje mandat ose asnje. Ne Fier 12. 5 % jane të pavendosurit.
Qarku i Elbasanit:
Qarku i Durresit
Nëse qytetarët e Durrësit do të votonin sot, PS do të merrte 42.2% të votave ose 6 mandate deputetësh nga 14 deputetë në total që ka qarku.
Nga rezultatet e sondazhit të Ora News dhe IPR Marketing të publikuar në Tonight Ilva Tare vihet re një rritje e PS krahasuar me 2013 ku ka marrë vetëm 39.2% të votave.
E dyta renditet PD me një mandat më pak, ku ka marrë 35.5% të votave ose 5 mandate. në 2013, PD ka marrë 34% të votave.
Ndërkohë LSI ka marrë 12% të votave, ku lufton për 1-2 mandate. Në 2013 ka marrë 7.5% të votave.
LIBRA e Blushit lufton edhe në këtë qark për një mandat deputeti. Ka marrë 3.1% të votave. Për një mandat lufton edhe PDIU me 3% të votave nga 2.4% që ka marrë në 2013.
Rënie të madhe ka PR që ka marrë vetëm 1% të votave nga 6.8% në 2013. Nuk merr asnjë mandat.
Poshtë pragut elektoral pozicionohen të gjitha partitë e tjera të vogla.
Qarku i Fierit
Nëse qytetarët fierakë do të votonin sot, PS do të merrte 54.7% të votave ose 9-10 mandate deputetësh nga 16 në total që ka ky qark.
Krahasuar me 2013, PS ka një rritje në përqindje. Në 2013 kishte marrë vetëm 44.2%.
Partia Demokratike do të merrte vetëm 24.7% ose 4-5 mandate. Në 2013 demokratët kishin marrë 22.9%.
LSI ka marrë vetëm 9.6% të votave ose 1-2 mandate. Në 2013 mori 9.7% të votave.
LIBRA e Blushit ka marrë 3.6% të votave ose 0-1 mandate.
PDIU 3% të votave ose 0-1 mandate. Kjo parti ka një rënie krahasuar me 2013 ku kishte marrë 4.5% të votave.
(M.D/Shuplaka)
