Edhe pse gjysma e sezonit 2016-2017 nuk ka përfunduar ende, Bundesliga ka hapur një sondazh për mbrojtësin më të mirë të pjesës së parë së këtij edicioni.
Kush është mbrojtësi më i mirë i raundit të parë për 2016-2017-të, – pyeten lexuesit e sportit të cilët mund të votojnë deri më 31 janar.
Pjesë e kësaj “gare” është edhe shtatëlarti i Kombëtares Shqiptare të Futbollit, Mërgim Mavraj.
30-vjeçari ka shkëlqyer me fanellën e ish-ekipit të tij Këlnit, ndërsa tashmë zyrtarisht ka kaluar te skuadra e Hamburgut, e cila ka nevojë për shërbimet e kosovarit për të qëndruar në Bundesligë.
Mavraj deri tani ka marrë 20% të votave, duke lënë pas lojtarë yje si Boateng i Bajernit të Mynihit më 14%, Vajejo i Frankfurtit dhe Willi Oraban i Leipzig më nga 12%. Ndërkohë që Sokratis i Dortmudit dhe Hummels i bavarezëve kryesojnë më 21% të votave.
Për të ndihmuar shtyllën e kuqezinjëve, mjafton të votoni në sajtin e Bundesligë, (http://www.bundesliga.de/de/liga/news/team-der-hinrunde-bester-innenverteidiger-sokratis-hummels-vallejo-boateng-mavraj-orban-noblmd14-2.jsp) që Mavraj të shpallet “Mbrojtësi më i mirë”. 
