Para disa orësh, “Shuplaka” mori një nismë “bamirësie” për politikanët shqiptarë që rezultojnë se kanë kredi për të shlyer. Përmes një lajmi jo të zakontë, ne ftuam ndjekësit që të dhurojnë nga 1 Euro për politikanët vetëm duke klikuar mbi njërin nga reagimet e një sondazhi ku ne pyetëm lexuesit se a mendonin që politikanët kanë kredi për të paguar.
Për 4-orë me radhë, “Shuplaka” nxorri këtë sondazh në faqen e Facebook-ut për të pyetur ndjekësit se a mendojnë që politikanët shqiptarë kanë kredi për të paguar, pas bërjes publike të disa rasteve së fundmi.
Pjesëmarrja e ndjekësve ishte e lartë ku postimi u pa mbi 3-mijë herë dhe pati dhjetëra reagime (të përkthyera në vota sondazhi dhe euro) mbi pyetjen “Mendoni që politikanët shqiptarë kanë kredi për të paguar?”
Rezultatet e sondazhit janë si më poshtë:
As që bëhet fjalë- 85.54% (71 reagime ose euro)
Është e mundur- 8.43% (7 reagime ose euro)
Nuk më intereson- 6.03% (5 reagime ose euro)
Pra na rezultoi se arritëm të mblidhnim plot 83.
Sondazhi ngjalli reagim të lexuesve ku me anë të dhjetëra komenteve më së shumti ironike ndjekësit kryesisht mendonin që normalisht politikanët shqiptarë nuk mund të kenë kredi.
Normalisht kjo ishte pjesë e një ironie për të studiuar opinionin publik teksa është akoma i freskët deklarimi i kredive të disa figurave politike që kishin për të paguar.
Lusim ndjekësit të na mirëkuptojnë dhe po ashtu të vazhdojnë të kontribuojnë në të holla për politikanët tanë borxhlinj.
(M.D/ Shuplaka)
Discussion about this post