Avokati Spartak Ngjela ka komentuar intervistën e mbrëmshme të kryeministrit kosovar, Ramush Haradinaj, dhënë për gazetaren Sonila Meço.
Në shkrimin e tij, Ngjela merret dhe me këtë të fundit, duke thënë se bën politikën e Rusisë në Tiranë, ndërsa shton se ajo nuk kupton as Kushtetutën.
“Një gazetare nga Ora NeWs, një përkrahëse e politikës ruse pyeti mbrëmë kryeministrin e Kosovës, Haradinaj; dhe ky e bëri copë. E talli gazetaren Ramush Haradinaj, dhe ajo mbeti si një misionare sterile që nuk kuptonte me ligësi se çfarë është një kushtetutë”, – shkruante Ngjela ndër të tjera.
Ndërkohë ka ardhur edhe reagimi I ish-ministrit Ylli Manjani I cili me anë të një statusi në facebook shkruan se se ajo thjeshtë pyet të ftuarit për të informuar publikun. Sipas tij, gazetarja nuk merr vendime as për ndarjen kufinjsh e as për ndarje pasurish.
“Sonila Meço është Ruse?!!! Punë e madhe! Jam me Sonilën!” – shkruan Manjani.
Statusi i plotë:
Sonila Meço është Ruse?!!!
Hahahahahahaha…
Punë e madhe! Jam me Sonilën!
Ajo thjesht pyet të ftuarit për të infomuar publikun. Nuk merr vendime as për ndarje kufinjsh e as për ndarje pasurish…
(F.GJ/FAXWEB.AL)
