Gazetarja dhe moderatorja e njohur Sonila Meço nuk i kursen kritikat e saj ndaj qeveritarëve. Në një reagim të fundit të saj, ajo shkruan pikërisht për arritjet e kësaj qeverie që gjatë gjithë kohës flet për këto arritje duke e detyruar qytetarin të shohë vetëm anët pozitive.
E për analogji të kësaj dukurie në vend, ajo risjell në vëmendje një fabul italiane që është aktuale sipas saj në realitetin tonë. Bëhet fjalë për një tren, vonesën e tij, dhe gjithë çfarë qëndronte pas kësaj vonese.
“Kjo përpjekja imponuese për të të detyruar të shohësh vetëm anët pozitive të arritjeve në një vend si yni, që sfidon vetveten në mënyrë të përsosur në shuarjen e shpresës më kujton fabulën italiane që i rri çdo kombësie që dorëzohet në pamundësinë e vet, duke relativizuar te keqen e duke mos kërkuar më të mirën për veten:
Në platformën e një stacioni hekurudhor, një udhëtar shikon orën dhe i thotë me entuziazëm shefit të stacionit: ”Sa mirë, treni i sotëm është vetëm 17 minuta me vonesë!”. ”Ah, zotëri, i përgjigjet nëpunësi, është treni i djeshëm që është 24 orë e 17 minuta me vonesë’.”, shkruan Sonila Meço. (XH.A/SHUPLAKA)
Discussion about this post