I fortë reagimi i moderatores Sonila Meço. Gazetarja pyet fare thjesht se kush e ka nën kontroll këtë shtet. Ditët e pushimit dhe shkollat pa ngrohje kanë hapur debat të madh publik. Po kështu edhe arrestimi i Ramush Haradinajt në Bazel dhe reagimi i ”pa zë” i politikës shqiptare.
”Që të kuptosh se çfarë materiali është shteti yne, mjaftojnë temperaturat -5° për një javë dhe një mandat arresti nga arkivat e historisë së afërt të një vendi, marëdhëniet me të cilin i konsiderojmë suksesin e politikës rajonale.
Për rastin e parë shteti të izolon në shtëpi, të kujton bujarisht e me mirësjellje se më minus do bëhet, duke mos të të garantuar as ngrohje e ndriçim, se ke te pakten 20 vjet që nuk rebelohesh për të drejtat dhe nevojat e tua bazike.
Për të dytin, shteti i skërmit dhëmbët me statuse në facebook çdo padrejtësie ndërkombëtare, si të jetë shtëpiaku rastësor i temperaturave të ulta ngulur me hundë mbi ekranin e celularit.”, shkruan Meço.
Ajo vazhdon më tej duke pyetur: ”Sa për nxemje, kush e ka nën kontroll këtë shtet?”
”Dhe nëse egoja, të çon deri në samite ndërkombëtare duke shkëlqyer me batutë, a të spikat me lapsat tringjyrësh në proçesionin e Parisit, a mjafton të të bëjë shtetar me ndikim, të paktën deri tek porta e fqinjit? Se do bateri të rënda të bësh zhurmë nën portikët shekullorë…
Dhe në fund, ky qytetari i izoluar në muret karton xhes të shtetit, do vijojë të sillet si konsumator që ngrohet vetëm ne Qendra Tregtare, komuniteti i vetëm ku ndjehet aktiv e me ndikim?
Temperatura: 0° jashtë dyerve të institucioneve, diell mbi shtet
Shtet: për momentin i pakapshëm nga radarët”, përfundon moderatorja. (V.G/SHUPLAKA)
