Sopranoja Ramona Tullumani hapi sezonin artistik në “Teatrin e Operas” për këtë sezon të ri. Artistja ka falenderuar të gjithë ata që i shprehën urimet asaj për shkëlqimin e saj në skenë, në premierën “Peshkatarët e Perlave”.
“Prej dy ditësh kam marrë me qindra urime dhe dua t’i falenderoj të gjithë për fjalët e bukura, por e ndjej si detyrim t’i ndajë këto vlerësime dhe duartrokitjet e zjarrta në sallën e Pallatit të Kongreseve, me dhjetëra kolegë të tjerë.”, shprehet sporanoja.
Më tej artistja Ramona nuk ka harruar të falenderojë edhe sopranon e mirënjohur Inva Mulën ku shprehet se ajo është një artiste e vërtetë, e cila dhuron shumë dashuri, që me regjinë e saj mahniti stafin realizues e ndjekësit e shumtë të operas.
Falenderimi
” Ndjehem sot e lumtur që premiera e operas “Peshkatarët e Perlave” ishte një sukses i vërtetë. Ndjehem po ashtu e vlerësuar që pas disa vitesh punë e kontribut në Teatrin e Operas m’u besua hapja e sezonit artistik. Prej dy ditësh kam marrë me qindra urime dhe dua t’i falenderoj të gjithë për fjalët e bukura, por e ndjej si detyrim t’i ndajë këto vlerësime dhe duartrokitjet e zjarrta në sallën e Pallatit të Kongreseve, me dhjetëra kolegë të tjerë. Është shumë e bukur kur një lodhje disamujore shpërblehet me emocionet e veçanta që të dhuron publiku shqiptar. Një falenderim i posaçëm shkon sot për sopranon Inva Mula, një artiste e vërtetë, e cila dhuron shumë dashuri dhe që me regjinë e saj mahniti stafin realizues e ndjekësit e shumtë të operas. Përfitoj nga rasti t’i uroj Inva Mulës shumë sukses në shfaqjen dhe karrierën e saj. Faleminderit të gjithëve dhe mirutakofshim së shpejti.”, shprehet Ramona Tullumani.
[ngg_images source=”galleries” container_ids=”2836″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post