“Poshtë sipërfaqes, gjallon një paragjykim dhe racizëm ndaj shqiptarëve etnikë në Europën Perëndimore, që nuk mund të mos shihet si faktor në refuzimin e Shqipërisë dhe Maqedonisë V në Këshill”, kështu shkroi në Twitter, Alexander Soros, djali i George Soros pas refuzimit që Shqipëria, por edhe Maqedonia e Veriut morën për negociatat në BE.
“Europa duhet të pranojë që vuan nga Albanofobia”, shkruan ai më tej, ndërkohë që statusit të tij i ka bashkangjitur reagimin e mëhershëm të komisionerit Johannes Hahn i cili shkruan: “Dhe vetëm për të qenë e qartë: Përgjegjësia për këtë dështim nuk është me 2 vendet, shumë kush shpresonte me të drejtë për një vendim pozitiv. Ishte BE ajo që dështoi për shkak të çështjeve të brendshme. Kjo dëmton besueshmërinë e BE jo vetëm në Ballkanin Perëndimor por edhe më gjerë.
Ngurrimi i radhës i Bashkimit Europian për të filluar bisedimet e anëtarësimit me Shqipërinë dhe Maqedoninë e Veriut është kritikuar nga shumë figura të njohura europiane, por megjithatë nuk mund të lihet pa përmendur fakti se të paktën Shqipëria mori kundërshti nga disa vende, ç’ka tregon se qeveria ka shumë punë për të bërë me reformat.
(E.K/Faxweb.al)
Discussion about this post