Jahmir Hyka pritet të jetë në fushë që nga minuta e parë e ndeshjes së sotme kundër Bosnjë-Hercegovinës. Trajneri De Biazi ka ndryshuar shpesh formacionet në stërvitjen e sotme, por prania e mesfushorit mes titullarëve duket thuajse e sigurt.
Një udhëtim i stërzgjatur nga SHBA ndikoi në aktivizimin e mesfushorit në sfidën ndaj Italisë, qoftë edhe në pjesën e dytë të saj, por De Biazi duket se po mendon që t’i japë hapësira atij në këtë ndeshje të dytë që nga minuta e parë për të forcuar skuadrën në fazën ofensive.
Në stërvitjen e sotme janë testuar si rreshtimet më një sulmues, ashtu edhe ato me dy, por mbetet të shihet nesër se çfarë do të zgjedhë trajneri i kuqezinjve për këtë sfidë.
Në dyshim mbetet prania e Armando Sadikut, i cili ka ndjerë shqetësime fizike pas minutave të aktivizimit kundër Italisë dhe vetëm në momentin e fundit do të vendoset nëse do të zbresë në fushën e lojës apo jo.
Discussion about this post