Sot dita barazohet me natën, hyjmë zyrtarisht në pranverë

Pranvera në vendin tonë, sikundër edhe në gjithë hemisferën veriore, do të nisë ditën e sotme. Pritet që për vitin 2017, fenomeni astronomik i barazimit të ditës me natën të nisë në orën 10:28 minuta.

Ndërsa në vjeshtën e këtij viti, do të ndodhë më 22 shtator, në orën 20:02 minuta.

Me hyrjen në stinën e bukur të pranverës, dita e parë e pranverës do të zgjasë 12 orë e pesë minuta, dielli do të lindë në orën 05:39 minuta dhe do të perëndojë në 17:44 minuta.

Stina e pranverës do të zgjasë deri më 21 qershor, për t’ia lënë më pas vendin verës.

Sa i përket llogaritjes verore të kohës, do të nisë natën mes 28 dhe 29 marsit, duke bërë që akrepat e orës të zhvendosen një orë para.

(XH.A/SHUPLAKA)