Ditën e sotme zhvillohet tryeza e dytë mes ministrit për Europën dhe Punët e Jashtme, Ditmir Bushati dhe homologut të tij grek, Nikos Kotzias. Mësohet se në përfundim të takimit të sotëm do të mbahet edhe një konferencë, ku të dy ministrat përballë gazetarëve, do të zbulojnë detajet e takimit dyditor dhe dakortësitë midis tyre për problematikat e shtruara në axhendë.
Duhet të sjellim në vëmendje që ministri Bushati më parë ka bërë të ditur se këto takime do të vijojnë edhe në muajt në vazhdim.
Ndërkohë, ditën e djeshme dy homologët kanë zhvilluar bisedime për 12 orë rresht. Temat kryesore të bisedimeve dy palëshe grekoshqiptare janë rishikimi i Marrëveshjes së Kufirit Detar e 2009, Ligji i Luftës, situata e minoritetit grek në Shqipëri, varrezat e ushtarëve grekë të vrarë në Shqipëri gjatë luftës italogreke.
Çështja Çame është një pikë tjetër e rëndësishme e agjendës së bisedimeve midis Bushatit e Kotsias. (J.V/Faxweb)
Discussion about this post