Kreu i opozitës është shprehur sot edhe më i vendosur në lidhje me vijimin e protestës së opozitës. Ai u shpreh se ka vetëm dy zgjidhje, ose qeveria të lejojë çmontimin e krimit, ose rrëzimi do të vijë nga populli.
‘’Mirënjohje për të gjithë ju që ishit pjesë e asaj proteste madhështore. Në Republikën e Re vendimmarrja do të jetë njëherë e qytetarëve. Mirënjohje ndaj të gjithë aleatëve të Partisë Demokratike. Askush nuk ka qenë kaq me fat sa unë në këto 25 vite, për mbështetjen tuaj të palëkundur. Mesazhi unë është i qartë, shqiptarët folen.
Nuk ka dhe nuk do të ketë zgjedhje pa popullin, zgjedhje pa opozitën, nuk ka dhe nuk do të ketë Parlament të diktuar nga krimi dhe korrupsioni. Shumë shpejt Republika e re do të zëvendësojë dhe institucionalisht Republikën e Vjetër.
Republika e Re do të vendoset përmes zgjedhjeve dhe një qeverie teknike. Le të jemi fare të qartë për rrugën që na pret, le ta dinë skeptikët, cinikët, ndonjë media e blerë që dje rrekej të propagadonte për pjesëmarrjen e opozitës.
Le ta dinë mirë që ajo që nisëm dje nuk do të ndalet. Zgjidhja mes shqiptarëve, nëse do të ulnim kokën dhe do të pranonim Republikën e Vjetër si skllevër, kurrë, kurrë, kurrë.
Zgjidhja e dytë është, le ta dëgjojnë të gjithë: ose do ta çmontojmë krimin dhe drogën në pushtet dhe të rikthejmë zgjedhjet e lira dhe të ndershme, ose do ta rrëzojmë Republikën e Vjetër përmes bashkimit’’, u shpreh Basha. (E.K/SHUPLAKA)
