Sophie Crockett u mbajt për dy vite me radhë e mbyllur nga Simon Tibble, që e kishte rrëmbyer atë që në moshën 17-vjeçare.
Pasi u lirua nga “kthetrat” e tij, ajo ka treguar për mediat e huaja çdo vuajtje që ka kaluar. Në ditët e fundit së bashku, asaj nuk i lejohej të hante, të flinte, të pinte apo edhe të shkonte në tualet.
Sophie arriti të shpëtojë vetëm kur një lodër po bënte zhurmë pa ndalim dhe abuzuesi i saj Simon Tibble hapi derën për ta hedhur jashtë.
Simon Tibble shfrytëzoi këtë moment dhe u largua rrufeshëm nga shtëpia. Tibble, 30 vjeç, i cili u përshkrua nga një gjykatës si “një rrezik për të gjitha gratë”, kontrollonte çdo aspekt të jetës së saj, mënyrën e veshjes dhe momentet kur shkonte në tualet. Madje, në ditët e fundit ai e ka kërcënuar edhe me vdekje.
“Ai më izoloi nga njerëzit që unë i dua, më bindi se ai ishte i mirë për mua dhe më pas kur kuptova gjithçka, më mbajti me dhunë, duke më kërcënuar se do të vriste familjen time nëse nuk u bindesha urdhrave të tij.
Ai ka shumë ngjashmëri me ata dy monstrat e tjera, Josef Fritzl dhe Wolfgang Přiklopil. Më mbajtën të burgosur, nuk më lejonin të haja, pija ose lëvizja. Një ditë, me thikë në fyt më tha: Sot është dita që do të vdesim””, tha Sophie Crockett.
