LSI ka nisur procesin e paraqitjes së kandidaturave për postet drejtuese, në kuadër të Konventës Kombëtare Zgjedhore që kjo parti do të mbajë në datat 3 dhe 4 dhjetor.
Anëtari i KDK-së dhe ish-anëtar i Kryesisë së LSI-së, Dritan Ylli, ka paraqitur kandidaturën e tij për postin e Sekretarit të Përgjithshëm të LSI-së.
Kjo kandidaturë është zyrtarizuar përmes një shkrese që Ylli i ka dërguar Sekretarit të Përgjithshëm të LSI-së, Luan Ramës.
Ylli është shprehur se nëse zgjidhet, do të japë dorëheqjen nga posti i Drejtorit të Inspektoratit Shtetëror të Punës dhe të Sigurimeve Shoqërore, për t’iu përkushtuar tërësisht organizimit të partisë.
Kryesia e Lëvizjes Socialiste për Integrim mblidhet sot në orën 10:30, në Pallatin e Sportit “Asllan Rusi”, në kuadër të Konventës Kombëtare Zgjedhore të LSI-së që do të zhvillohet në datat 3-4 dhjetor.
Discussion about this post