Sot mblidhet KQZ-ja, ç’pritet të ndodhë me mandatin e Idrizit në Tiranë

Mandati i Shpëtim Idrizit në Tiranë duket të jetë i vetmi rezultat që po mban peng certifikimin e plotë të zgjedhjeve të 25 Qershorit.

Ndërkohë që sot pritet të ketë një mbledhje të KQZ-së ku do të shqyrtojë kërkesën e PDIU-së për tabelën përfundimtare të Tiranës.

“Komisioni Qendror i Zgjedhjeve, ditën e hene, më datë 10.07.2017, ora 10:00, zhvillon mbledhjen me këtë rend dite: A. Shqyrtimi i projekt vendimeve, “Për rezultatin e shortit per caktimin e relatorit te Kerkeses Ankimore nr. 2, paraqitur ne daten 08.07.2017, nga subjekti zgjedhor PDIU”, thuhet ne njoftimin e KQZ.

PDIU ka dorëzuar ankimimin në KQZ, duke kundërshtuar vendimin e Komisionit Zgjedhor duke miratuar tabelën përfundimtare në qarkun Tiranë, ku PDIU nuk mori asnjë mandat dhe kreu i saj Shpëtim Idrizi mbeti jashtë Parlamentit.

“Ankimimi i PDIU bazohet në pamjet filmike të numërimit të votave në GNV, që sipas Kodit Zgjedhor përbëjnë material zgjedhor. Pamjet filmike tregojnë se PDIU e ka fituar mandatin në Tiranë me disa dhjetëra vota më shumë sesa pragu 3%”- thuhet në njoftimin e PDIU.

(E.K/SHUPLAKA)