Përmes një video që përmbledh të gjitha ndërhyrjet e Partisë Socialiste në qytetin bregdetar të Vlorës, kryetari i PS-së paralajmëron mitingun përmbyllës që do të mbahet ditën e sotme në sheshin e Lungomares.
Ai shkruan se shumë më shumë do të bëhen në mandatin e rradhës, teksa fton të gjithë që të shohin detin kuqezi që do të vërshojë nga kutitë e së dielës.
“JA DO BEHET VLORA JONE…
Sonte në sheshin e Lungomares, me Vlorën dhe për Vlorën kuqezi, në stacionin final të flamurit kombëtar, në rrugëtimin drejt 25 qershorit. Kemi bërë shumë për rilindjen e kryeqytetit të Pavarësisë, po shumë më shumë do të bëjmë në mandatin e dytë. Le ta shohë sot nga Vlora e gjithë shqiptaria, detin kuqezi që do të vërshojë nga kutitë e të dielës, për Shqipërinë që duam me shtet punë mirëqenie.”, shkruan Rama.
(XH.A/SHUPLAKA)
