Prej orës 07:00 të mëngjesit të ditës së sotme, banorët e Drenasit do të mund të votojnë për të zgjedhur kryetarin që do i përfaqësojë. Vendvotimet do të qëndrojnë hapur deri në orën 19:00 të pasdites.
Mediat kosovare bëjnë me dije se të drejtë vote kanë 52 mijë e 569 të votues, të cilët janë të shpërndarë në 28 qendra votimi me gjithsej 72 vendvotime. Sipas “KosovaPress”, procesi zgjedhor do të vëzhgohet nga 1.000 vëzhgues të akredituar.
Banorët e Drenasit do të votojnë për të zgjedhur kryetarin e komunës, post për të cilin garojnë Ramiz Lladorvci nga PDK-ja dhe Isa Xhemajlaj nga Nisma.
Discussion about this post