Ditën në sotmë në orën 12:00 Grupi Parlamentar i PD-së do të zhvillojë një mbledhje grupi. Këtë e konfirmojnë burime brenda PD-së. Edmons Spaho tashmë kreu i Grupit Parlamentar të PD-së do të drejtojë mbledhjen e cila mesa duket vjen si pasojë e zhvillimeve të djeshme në kuvend. Ditën e djeshme tre vota Ruçi i mori nga Partia Demokratike edhe pse vetë kjo parti doli kundër kësaj zgjedhjeje. Nuk dihet ende se çfarë hapa do të marrë PD si zë opozitar për 4 vitet e ardhshme.
Zgjedhja e Gramoz Ruçit në krye të Kuvendit nuk është e pranueshme për demokratët. Madje ata bojkotuan votimin e tij në Kuvend. Po kështu edhe Basha dje deklaroi se është e turpshme të zgjidhet Gramoz Ruçi në krye të parlamentit.
“Ai është përgjegjës për masakrën e 2 prillit dhe 4 viktimat e pafajshme”, tha Basha. Ruçi u zgjodh me 80 vota pro në parlament. (J.V/Shuplaka)
