Kryesia e Partisë Demokratike do të mblidhet sot në orën 19:00. Kryesia pritet të miratojë kandidaturat për kreun e PD-së. Sjellim në vëmendje që janë shpallur vetëm 4 kandidatura për kreun e PD-së, mes tyre edhe Lulzim Basha.
Do të jenë në fokus në këtë mbledhje: 1. Miratimi i kandidaturave per kryetar te Partise Demokratike te Shqiperise. 2. Ngritja e Komisionit te Organizimit dhe Kontrollit te Operacioneve Elektorale.
Po kështu theksojmë që afati për regjistrimin për të garuar për postin e kreut të Partisë Demokratike skadoi mbrëmë në mesnatë. Astrit Patozi nuk është ende një kandidat zyrtar. Aktualisht kandidatët që garojë për këtë pozicion janë katër, përkatësisht Lulzim Basha, Eduard Selami, Erion Piciri si dhe Astrit Sinanaj.
Por Patozi është mjaftuar me deklaratën e tij për të marrë pjesë në këtë garë. Sakaq, ditën e sotme pritet që kandidati Selami të kërkojë publikisht dorëheqjen e Bashës nga kreu i PD-së, për të vijuar më pas procedurat për zgjedhjet brenda partisë, kërkesë që e ka bërë edhe më herët Patozi. (J.V/Shuplaka)
