Tetë kandidatë për drejtor të Byros Kombëtare të Hetimit do ti nënshtrohen testit të Poligrafit ose makinës të së vërtetës.
Ky test do të fillojë ditën e sotme dhe do përfundojë të premten, ndërsa kujtojmë dhe 8 kandidatët që janë ende në garë:
Aida Veizaj
Ardian Çipa
Artur Beu
Ervin Hodaj
Gentjan Shehaj
Lindita Nushi
Idajet Faskaj
Ylli Pjetërnikaj
Kandidatët do të përballen me makinën e të vërtetës nga dy në ditë. Me pas do të kenë intervistën dhe pastërtinë e figurës dhe integritetit.
Ishte ambasada e SHBA në Tiranë, ajo që njoftoi disa ditë më parë se kandidatët për drejtor të Byrosë Kombëtare të Hetimit po iu nënshtrohen disa testeve, frymëzuar nga praktikat më të mira të FBI.
Në 6 shkurt, kandidatët iu nënshtruan një prove të aftësive fizike që përfshinte 300 metra vrapim me shpejtësi, 2.4 kilometra vrap, dhe ushtrime të tjera.
Pas këtij provimi, më 10 shkurt kandidatët morën pjesë në një testim me shkrim me dy pjesë, për të provuar aftësinë e tyre të shkrimit profesional dhe për të sprovuar aftësitë e tyre në shkathtësinë mendore dhe zgjidhjen e problemeve.
Rezultatet nga provimet i shtohen një totali përmbledhës dhe do të përcaktojnë gjashtë kandidatët kryesorë që do të kalojnë në fazën përfundimtare: në testimin poligrafik dhe intervistën finale.
Ajo që bie në dy në këtë garë është dhe prania e dy grave, që janë Aida Hajnaj, zv.drejtoreshë e policisë së Shtetit, dhe Lindita Nushi, e cila ka qenë në krye të drejtorisë së kufirit dhe migracionit në Durrës.
Lexo edhe ketu:
