Ish-deputeti i Partisë Demokratike, Luçiano Boçi ka reaguar lidhur me shpërblimet për nxënësit e ekselencës në Arsimin Parauniversitar.
Sipas Boçit, Drejtoritë e shkollave u kërkojnë prindërve të tyre të derdhin në llogarinë e caktuar bankare të BKT 40 11 44 035, 25 mijë lekë, duke argumentuar se vetëm kështu mund kështu mund të quhesh ekselent sot.
Ai bën edhe krahasimin midis qeverisjes së vendit nga Partia Demokratike dhe qeverisë së sotme të drejtuar nga kryeminstri Rama, duke thënë se para vitit 2013 ekselent merrte një shpërblim simbolik vlerësues nga Qeveria prej 50 mijë lekësh.
Postimi i Luçiano Boçit në facebook:
E TURPSHME!
…kjo që ndodh me nxënësit ekselentë në Arsimin Parauniversitar.
Drejtoritë e shkollave u kërkojnë prindërve të tyre të derdhin në llogarinë e caktuar bankare të BKT 40 11 44 035, 25 mijë lekë.
Vetëm kështu mund të quhesh ekselent tani.
Dokumentat e mëposhtëm flasin qartë. (foto)
Në vend që ata të stimulohen e të shpërblehen, siç dhe duhet, sot atyre u merren para.
Të jesh ekselent në Shqipëri duhet të paguash.
Duhet të paguash se ke merita, se mëson, se je shembull
Para 2013, çdo ekselent merrte një shpërblim simbolik vlerësues nga Qeveria prej 50 mijë lekësh.
Sot për të dalë i tillë në Librin e Artë nuk merr. Jep 25 mijë. Drejtoritë e shkollave u kërkojnë prindërve të tyre të derdhin në llogarinë e caktuar bankare të BKT 40 11 44 035, 25 mijë lekë.
Po nuk e dorëzove shumën nuk figuron i tillë! Nuk shpallesh!
Pra shkurt i bie që në Shqipëri nuk blihen vetëm vota, vetëm favore.
Sot dhe Ekselenca blihet me para.
p.s
Mos harroni gjyqin!!!
Sa të keni Qorrat e Servilët politikë në Drejtësinë e kapur, që të bardhën e bëjnë të zezë e anasjelltas, o burra sulm!
(F.GJ/FAXWEB.AL)
Discussion about this post