Nata e ndërrimit të viteve për një pjesë të mirë të njerëzve është natë pushimi. Nata e grumbullimit në familje, e festimeve deri në orët e para të mëngjesit, apo edhe e abuzimit me pijen dhe alkolin. Ndërkohë që është një kategori tjetër njerëzish dhe profesionesh të cilët ora 12 e ndërrimit të viteve i gjen në krye të detyrës.
Ndër to janë mjekët të cilët duhet të kujdesen për rastet e urgjencës e për pacientët kronikë, janë policët që duhet të ruajnë rendin dhe mbarëvajtjen e festave, por janë edhe gazetarët të cilët duhet të jenë aty, që për çdo zhvillim të minutës së fundit të jenë në krye të detyrës, për të transmetuar informacionin te publiku.
Arben Vata është një nga ata të cilët përmes një foto të vjetër të gazetarëve në natën e ndërrimit të viteve i falenderon ata për kontributin. Ai kujton me një foto para dhjetë vitesh sesi në televizionin ‘’Top Channel’’, gazetarë, regjisorë e kameramanë e kanë pritur vitin e ri në zyrë.
‘’Ne dite-naten e nderrimit te viteve, ata qe sherbejne pa ndalim jane punonjesit e shendetesise, policise, ushtrise dhe punetoret e pastrimit te rrugeve. Nje urim nga zemra per te gjithe kete armate njerezish te heshtur qe ikjen e nje viti dhe ardhjen e nje tjetri e kalojne ne frontin e tyre te punes, larg familjes dhe te afermeve te tyre. Gezuar!
Por ka edhe nje kategori tjeter punonjesisht, qe ne kete dite te gjate urimesh dhe shkembime deshirash, jane edhe ata ne krye te misionit te tyre.Kjo foto eshte fiksuar para 10 vitesh ne ambientet e vjetra te Top Channel (te ish piramida). Eshte nje kujtim I bukur me koleget Sonila Meco, Dhimiter Gjoka, (dy nga ish folesit e Top Channel), Elton Papuciu,(regjisor), Ergys Lubonja, (Regjsor), Skerdi Drenova (ish nendrejtori I pa lodhur I atij TV), Leonard Lamaj dhe shume pjesetare te tjere te stafit teknik. Shume prej tyre, sigurisht qe nuk gjenden me ne Top Channel, por zakonisht ky ishte stafi me shofere, kameramane,montazhiere, vajza te make-up, gazetare, etj, qe urimet e fundit te vitit ne ikje dhe te parat te vitit ne ardhje, I shkembenin me njeri tjetrin.
Nje Gezuar pra, per gjithe koleget e mediave qe jane sonte ne pune ne percjellje te lajmeve te vjetra dhe uroj te lajmeve te mira per vitin qe vjen.
Gezuar te gjitheve 2017! Jo vetem kolegeve gazetare. Gezuar dhe mbaresi per te gjithe, kudo ku jeni. Te urojme qe te kemi shendet mbi te gjitha dhe sa me pak te varfer’’, shkruan Vata. (E.K/SHUPLAKA)
Discussion about this post