Sot do të mbahet seanca e rradhës për Fredi Belerin, kandidatin e zgjedhur për bashkinë e Himarës i cili nuk e ka gëzuar mandatin për shkak të hetimeve ndaj tij për shit-blerje votash.
Beleri u arrestua 2 ditë para zgjedhjeve të 14 majit dhe është mbajtur në paraburgim megjithëse fitoi zgjedhjet duke mos u lënë të betohet nga gjykata prej hetimeve që po kryhen.
Kërkesat e tij janë rrëzuar në mënyrë të herëpashershme dhe tashmë do të shqyrtohet çështja në Kushtetuese me themel. Seanca për të ditën e sotme pritet të fillojë në orën 12:00.
Ndërkohë organizata OMONIA do të mbajë një protestë po ditën e sotme përpara Gjykatës Kushtetuese duke filluar nga ora 10:30.
