Perdja u hap, salla nuk ka më vende bosh. Në skënën e Teatrit Kombëtar është ngjitur Adi Krasta, për ti paraprirë një monologu të fortë në përpjekjen për të kuptuar maninë për të prishur. Që në hyrje të fjalës, Krasta ka një konfirmim për qëndresën e Teatrit.
“Njeriu që rri që fle në Teatër, çfarë fiton? Unë mendoj se duhet të jetë diçka e jashtëzakonshme për të fjetur në Teatër, dhe unë do të fle një natë në Teatër”, tha Krasta.
Duke folur për vendimin e qeverisë për të prishur godinën historike, Krasta u shpreh se duan të grabisin truallin për të ndërtuar kullë, një metodë kjo sipas tij e ndjekur dhe me një tjetër godinë në kryeqytet.
“Kanë ndërtuar një qendër brutale biznesi (Stadiumin “Air Albania”), dhe një dhe një bahçe të vogël ku luhet kalçeto. Stadiumi që mban emrin e një kompanie kuazi turke do të mbetet një ndërtesë brutale, banale, nuk i shërben sportit por biznesit dhe është e pabukur”
Megjithatë spekaklti dhe politika për Adi Krastën kanë një të përbashkët, dhe rolet mund të ndërrohen vetëm më një kompromis.
“Po bëjmë një marrëveshje me politikën në Shqipëri, le ta lënë ata spektaklin se e marrim ne. Për sa kohë ata bëjnë spektaklin ne do të bëjmë politikë”
Gjatë monologut të Krastës, në skenën e Teatrit u bashkuan dhe Moikom Zeqo dhe Eldon Luarasi, duke konfirmuar mbështjen e përbashkët për kauzën teatrore. E për Adi Krastën, rëndësia e kauzës dhe e ndjesive lind dhe vjen vetëm nga teatri.
“Sot këtu ka qenë një mëshirim i një force të padëshifrueshme emocionale. Sot njerëzit kanë qenë një dhe nuk jemi ne qendra e interesit sot, është Teatri. Teatri nuk është bosh, nuk është i vdekur, ne jemi këtu sepse Teatri është shumë i rëndësishëm”, i tha Krasta gazetares së Fax News Edona Haklajt pas përfundimit të monologut.
Në luftën e gjatë të përballjes me pushtetin dhe ne qendresën historike të mbrotjes së kësaj godine, nuk ka asnjë dyshim që Teatri Kombëtar është më shumë sesa vetëm një Teatër.
“Sot Teatri është Atdheu”, përfundoi Krasta.
(F.GJ/FAXWEB.AL)
Discussion about this post