Sot tenton t’u mbyllë gojën gazetarëve/ Video e rrallë e Edi Ramës: Pa “Koha Jonë” ne nuk do na njihte njeri as në lagje….

Edi Rama sot është kryeministër. Në vitet e para pas rrëzimit të sistemit komunist, ai ishte një intelektual i pavarur dhe ndër vitet 1993-1997 kur “Koha Jone” ishte “supërfuqia mediatike” dhe e vetmja media e cila u përballë me pushtetin e kohës, Edi Rama ishte bashkëpunëtor dhe herë-herë gazetar i medias “Koha Jone”.

Tashmë dihet se nga gazeta kanë dalë gazetarët dhe analistët më të njohur shqiptar. Edhe Edi Rama nga “Koha Jone”, doli. Më mirë se sa e thotë vetë Edi Rama në Lezhë në maj 2001 nuk ka se si ta thonë të tjerët.

Kjo video (ndonëse ka pak probleme teknike, sepse është kasetë VHS) publikohet për herë të parë, ku djathtas tij ndodhet Nikoll Lesi, botuesi i “Koha Jone” dhe majtas Gjok Jaku, një intelektual lezhjan.

Edi Rama thotë që në fillim: “Pa gazetën “Koha Jone” ne nuk na njihte as lagja e jo më vendi…”.

Video origjinale në VHS është 28 minuta, por redaksia vendosi të jap vetëm disa pjesë nga fjala dhe takimi i Edi Ramës në Lezhë.