Nuk kanë munguar kritikat nga Ministri i Punëve të Brendshme, SajmirTahiri ndaj kompanive të sigurisë. Vetëm një ditë më parë Tahiri i kritikoi këto kompani për personelin e moshuar që kanë të punësuar dhe për pagat e ulta që ato ofrojnë. Po kështu Ministri i Brendshëm deri diku i parapriu ngjarjes së rëndë të ditës së sotme, duke mbajtur një fjalim kritik. Vetëm dy orë më parë u grabitën rreth 2 milion euro nga një një bankë e nivelit të dytë në afërsi të Rinasit.
“Ajo që kam vënë re është se burimet njerëzore që ju mobilizoni janë kryesisht mosha të thyera, dhe akoma më e keq janë të papaguar. Policia e Shtetit ka bërë një verifikim dhe një inspektim jo vetëm pranë kompanive që ju drejtoni por edhe pranë kontraktorëve tuaj. Na rezulton që sot një polic privat është shumë, shumë i nënpaguar. Ka raste kur paguhet vetëm 40% e pagës së deklaruar. Ka raste nuk i jepen as orët e pushimit, siç i takon në bazë të ligjit. Ka raste që nuk përmbush as detyrimet minimale për të qenë polic privat”, u shpreh dje Tahiri.
Paratë që u grabitën sot duhet të ruheshin nga e njëjta kompani që ishte përgjegjëse për grabitjen spektakolare të qershorit të kaluar. Edhe pse Tahiri i kritikoi dje këto kompani sot në media po raportohet se dy autoblindat që po trasportonin paratë nuk kishin stadarte të mjaftueshme sigurie. Ajo që ishte më interesantja në këtë grabitje ishte një video që u filmua rastësisht gjatë grabitjes ku tregohej se patrrulla e policisë ishte shumë afër vendit të grabitjes dhe se paratë “po i merr vetë shteti”. Tani ngelet gjithçka për t’u parë. (J.V/Shuplaka)
Discussion about this post