Sot në Komisionin Qendror të Zgjedhjeve do të diskutohen sërish mandatet e deputetëve Shkëlqim Selami dhe Dashamir Tahiri, si dhe kryebashkiakut të Kavajës Elvis Roshi. Vendimi për mandatin e tyre u shty me dy ditë për mungesë të dokumentacioneve nga ana e Prokurorisë.
Po sot nuk mund të ketë më shuëm shtyrje. Sipas asaj që raporton një e përditshme, Prokuroria e Përgjithshme i ka dorëzuar dje komisionit informacionet shtesë që kërkuan për secilin nga tri rastet e funksionarëve që u preket mandati.
Anëtraët e KQZ-së kishin kërkuar më shumë informacione për datat dhe të dhënat e vendimeve për të cilat Prokuroria ka kërkuar heqjen e mandateve të Tahirit, Selamit dhe Rroshit. Por një përgjigje e tillë ka mbërritur dje nga organi i akuzës, edhe pse në mbledhjen e fundit një pjesë e anëtarëve të PS-së në KQZ kanë kërkuar që të jepen informacionet e plota nga Prokuroria.
Në seancën e fundit, anëtarët e zgjedhur nga PS-ja në KQZ kërkuan që të merrnin më shumë kohë në dispozicion, duke shkuar përtej afatit të fundit që është 30 dhjetori, në mënyrë që të merrnin një vendim të pjekur. Por pas qëndrimit kundër të aleatëve të LSI-së, situata e ndryshua dhe u vendos për një shtyrje prej 48 orësh.
Anëtari i mbështetur nga LSI-ja në KQZ, Gëzim Veleshnja, u shpreh ndryshe nga kolegët e PS-së, duke kërkuar që për të tre funksionarët KQZ nuk duhet ta digjte afatin e fundit, që është 30 dhjetori. Partia Demokratike, dje me anë të Oerd Bylykbashit ka dalë në mbrojtje të deputetit të PDIU-së, Dashamir Tahiri, duke kërkuar që rastin e tij të mos e krahasojnë me atë të Elvis Rroshit. (E.K/SHUPLAKA)
Discussion about this post