Sot shënohen 549 vjet nga vdekja e Heroit Kombëtar, Gjergj Kastriot Skënderbeut, një nga emrat më të mëdhenj të historisë sonë Kombëtare.
Por pavarësisht kësaj, asnjë institucion në vend nuk ka organizuar asnjë event historiko-kulturor për të kujtuar këtë datë.
Për këtë arsye, kreu i Aleancës Kuqezi, Kreshnik Spahiu, ka reaguar në Facebook duke ironizuar me qeverinë.
“17 Janar: Qeveria bojkotoi përvjetorin e heroit kombëtar. I duket vetja Skënderbe”, shkruan Spahiu.
Emri i Skënderbeut ka qenë burim frymëzimi për rilindasit, shembull i ndritur për t’u pasur në betejat e ndryshimeve për t’i kthyer popullit lirinë, dinjitetin, bashkimin e hapur, rrugën e përparimit. Në figurën e pavdekshme të Gjergj Kastriotit Skënderbeut, populli shqiptar kurdoherë ka shembullin dhe simbolin e bashkimit, të vëllazërimit, të lirisë, të atdhedashurisë, të harmonisë e të demokracisë.
Në janar të vitit 1468 Skënderbeu u sëmur gjatë zhvillimit të një Kuvendi të thirrur nga ai, në të cilin ishin të ftuar të gjithë princat shqiptarë. Ai ndërroi jetë më 17 Janar 1468 në Lezhë. (A.R/SHUPLAKA)
Discussion about this post