Kreshnik Spahiu i njohur për provokimet e tij ka bërë ditën e djeshme një tjetër deklaratë. Këtë herë kundrejt ambasadores së BE në shqipëri Romana Vlahutin. Në një intervistë për ‘’Dritare nga Rudina Xhunga’’ Spahiu është shprehur se Vlahutin është një fashtare e akuzuar për kurrupsion edhe në Kroaci.
“Është një fshatare nga Kroacia që është akuzuar për korrupsion si në Kroaci edhe në Shqipëri. Vlahutin ka vendosur 140 deputetë rresht në Shqipëri dhe u ka treguar se si do të bëhen reformat. Pyetja është a ka përgjegjësi politike nëse reforma dështon? Vlahutinit nuk ia ndjen fare për reformën, mbush xhepin me para dhe largohet më e pasur sesa ka ardhur. Nëse opozita e ha presionin e ndërkombëtarëve, atëherë ka për të qëndruar 12 vite në opozitë”, tha Spahiu.
Rreth një muaj më parë, doli në dritë dokumenti që tregonte blerjen e një vile 1.65 milionë € te “Rolling Hills” në kryeqytet, çka pasoi me pyetje edhe ndaj autoriteteve europiane në Bruksel mbi çfarë baze ishte bërë blerja e një vile kaq të shtrenjtë.
Dokumentet zbulojnë se rezidenca e re e ambasadores Vlahutin është blerë me fonde të BE-së për plot 1 milionë e 649 mijë euro, duke u renditur ndoshta në top listën e vilave më të shtrenjta të “Rolling Hills”. (E.K/SHUPLAKA)
Discussion about this post