Prokuroria e Posaçme Kundër Korrupsionit dhe Krimit të Organizuar (SPAK) ka dorëzuar prova të reja në Gjykatën e Posaçme lidhur me hetimet në dosjen “Buka”, ku i pandehur është ish-zv.kryeministri Arben Ahmetaj.
Avokati mbrojtës i Ahmetajt ka kërkuar kohë për t’u njohur me materialet e reja të dorëzuara nga SPAK, duke sjellë kështu shtyrjen e seancës paraprake për në datën 17 korrik.
Në këtë çështje, Ahmetaj akuzohet për shpërdorim detyre. Prokuroria pretendon se gjatë periudhës kur ishte ministër i Financave, ai lejoj privatizimin e tokave ku ndodhej një furrë buke, të cilat më pas u ndërtuan me një kompleks pallatesh.
Përveç kësaj, Ahmetaj është nën hetim edhe për tre vepra të tjera penale lidhur me aferën e inceneratorëve, përkatësisht “pastrim parash”, “fshehje të pasurisë” dhe “korrupsion pasiv”.
