I Ngarkuari me Punë, David Wisner është takuar me Kryeprokurorin e Posaçëm të SPAK-ut, Altin Dumanin. Ambasada thotë se SPAK është duke bërë përparim në reformën në drejtësi, ku thuhet gjithashtu se prokurorët dhe hetuesit janë duke punuar në çrrënjosjen e krimit të organizuar dhe korrupsionit në Shqipëri.
Njoftimi i Ambasadës së SHBA-së: SPAK po bën përparim mbresëlënës në objektivat e Shqipërisë për reformën në drejtësi. Sot, i Ngarkuari me Punë David Wisner dhe kolegët e Ambasadës së SHBA-së që mbështesin sektorin e drejtësisë u takuan me Kryeprokurorin e Posaçëm të SPAK-ut Altin Dumani, prokurorët e SPAK-ut dhe hetuesit e NBI-së që po punojnë për të çrrënjosur krimin e organizuar dhe korrupsionin në Shqipëri. Puna e SPAK dhe të tjerëve në sektorin e drejtësisë kërkon guxim, integritet dhe pasion të jashtëzakonshëm. Z. Wisner përcolli vlerësimin e Shteteve të Bashkuara për punën e SPAK, duke theksuar se ai ka mbështetjen tonë të plotë për të kryer misionin e tij në emër të popullit shqiptar.
