Oficerët morën informacione dhe më pas gjurmuan zonën ku jetonte një vajzë dhe një djalë, 22 dhe 27 vjeç, shqiptarë. Era e fortë e marihuanës dha shenjën e parë për ekzistencën e plantacionit, brenda u gjetën edhe pajisje bashkëkohore. Pesha e drogës 177 kg. Gjykata i lë në burg dy të arrestuarit
Spanjë– Kishin ngritur një plantacion droge brenda një ‘ferme bari’ me pajisje nga më bashkëkohoret, arrestohen në Spanjë çifti i shqiptarëve të dyshuar.
Sekuestrohen 809 bimë marihuane me peshë mbi 177 kilogramë, kurse të ndaluarit pasi dolën para gjykatës, u lanë në arrest me burg.
Oficerët e Policisë Kombëtare të caktuar në Stacionin e Policisë së Gandias, njoftuan se kanë shkatërruar një plantacion marijuane në Ador dhe kanë arrestuar një grua dhe një burrë, përkatësisht 22 dhe 27 vjeç, me origjinë shqiptare.
Hetimi, i kryer nga oficerë të Brigadës së Policisë Gjyqësore, filloi pasi u mësua në fillim të muajit të kaluar se marihuana mund të kultivohej në një shtëpi në qytetin e Adorit.
Policia vendosi mbikëqyrje në afërsi të pronës, duke zbuluar një erë të fortë karakteristike të kësaj substance që vinte prej saj. Ata gjithashtu vunë re tregues të tjerë objektivë se marihuana po mbillej brenda shtëpisë. Oficerët identifikuan gjithashtu një çift si banorët e zakonshëm të shtëpisë.
Ndërhyrja operacionale zbuloi edhe provat, kurse në objekt ishin bërë instalime elektrike dhe hidraulike që i shërbenin kultivimit, llamba dhe rrjet aspirimi, informoi media spanjolle, teksa emrat e të dyshuarve nuk u publikuan.
Personat e arrestuar nuk kishin precedentë penalë të mëparshëm, ndërsa ndaj tyre u urdhërua burgosja.
