Një ndër politikanët më të rëndësishëm në rradhët e LSI-së, Spartak Braho, duket se ka mendim pozitiv sa i përket koalicionit.
Teksa vetëm pak ditë na ndajnë nga 1 janari, datë kur përfundon zyrtarisht marrëveshja PS-LSI, Braho sjell sinjale pozitive për koalicionin.
Përmes një letre të titulluar “Refleksion” të siguruar nga “Shqiptarja.com”, ai shprehet se e ardhmja e koalicionit është rruga e përbashkët me qëllim përmbushjen e reformave.
“Koalicioni qeverisës PS-LSI të kalojë me prioritet në zgjidhen e ceshtjevetë paperfunduara, te kryeje reformen zgjedhore, reformen ne drejtesi etj, te zgjidhe krizen qe imponohet nga opozita e djathtë dhe kërkesat ultimative të saj, me qëndrim të përbashkët dhe dialog të pandërprerë.
Besoj se për këto qëllime të medha edhe në të ardhmen këto dy forca politike të të majtës shqiptare kanë një rrugë të përbashkët.”, shkruhet ndër të tjera në letër.
Por veç kësaj pike të rëndësishme, ai zbulon edhe disa të vërteta që sipas tij trazuan koalicionin PS-LSI në katër vite. Sipas Brahos ato janë “ministrant arrogantë ndaj LSI-së” dhe “përfshirja e PDIU-së” në koalicionin e majtë. Spartak Braho ndan mendimin se futja e kësaj qeverie ishte një lëvizje e pamotivuar e Ramës.
“Edhe disa veprime tendencioze e manipulative te strukturave ligjzbatuese per te krijuar imazh negative dhe alibira me synimin njollosjen e perfaqesuesve te LSI-se dobesuan kohezionin. Nuk u vleresua por u nevleresuan kritikat e LSI-se ndaj fenomenit kanabizimit te territorit gjate vitit 2016 dhe u konsideruan keto si tendencioze.Tek disa ministra te vecante te saj u vune re shenja arrogance dhe megallomanie te “partise se madhe qe spyet per aleatin e saj kryesor.
Edhe veprimi i Partise Socialiste per futjen ne qeverisje dhe koalicion te PDIU-se ndonese u tha se ishte levizje taktike e Rames, gjykoj se ishte e pamotivuar, e pakonsultuar dhe jasht parimeve te Mareveshjes per Shqiperine Europiane“, shkruan ai më tej.
Letra “Refleksion” e Spartak Brahos
(XH.A/SHUPLAKA)
[ngg_images source=”galleries” container_ids=”1448″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
