Spartak Ngjela përplaset me Klevis Balliun dhe braktis emisionin: Nuk kam punë, natën e mirë! (ARSYEJA)

Avokati i njohur Spartak Ngjela, ka ikur nga studio e emisionit “Now” teksa po flitej për shpalljen “non grata” të ish-kryeministrit Sali Berisha.

Ai u shpreh se kreu aktual i PD-së ka humbur të drejtën e ankimimit në Gjykatë, por kjo gjë është kundërshtuar nga ish-deputeti demokrat Klevis Balliu.

Pas debatit me këtë të fundit, avokat Ngjela është ngritur nga karrigia dhe është larguar.

Pjesë nga debati Ngjela-Balliu:

Ngjela: Saliu ka humbur të drejtën e ankimit
Balliu: Ku e di ti?
Ngjela: E njoh ligjin amerikan. Unë nuk kam ardhur këtu për broçkulla. Opozita është ‘Non Grata” Blinken tha se SPAK drejtohet nga ne.
Balliu: Kur e tha? (E ndërpret dhe qesh)
Ngjela ngrihet nga karrigia: Vazhdoni zotëri, më e thirrur me “Non Grata” nuk kam punë. Natën e mirë.