Trajneri i Manchester United ka folur gjerësisht për kampionatin Botëror të futbollit, ndërsa ka shprehur rezerva për disa analistë, të cilët shpreheshin se futbolli përngjasin më shumë si shkencë raketash.
Teksa ka folur për “RT”, portugezi hedh poshtë pretendimet edhe analizat e tyre, pasi në optikën e tij, futbolli konsiderohet si një lojë që e duan dhe e kuptojnë pjesa më e madhe e njerëzve.
“Unë përpiqem të vë veten në pozitën e njerëzve. Unë mendoj se nganjëherë ekspertët, shkojnë në televizion dhe flasin në mënyrën se futbolli është një shkencë raketash, por futbolli në fakt nuk është i tillë. Futbolli është diçka që të gjithë e kuptojnë, të gjithë e duan, dhe ju (analistët) duhet të flisni në një mënyrë ku njerëzit të kuptojnë atë që po thoni”-tha Mourinho.
“Special One” ka punuar në këtë kohë për median ruse duke analizuar të gjitha ndeshjet e Botërorit. Ai ka pohuar me gjuhën e shakasë se gjëja më e vështirë e një analisti, ishte rruajtja e mjekrës çdo ditë, duke shtuar se nuk është një veprim që e kryen çdo ditë.
“Gjëja më e vështirë për të qenë një ekspert ishte të rruheshim çdo ditë, sepse kurrë nuk e bëja më parë”– shtoi ai.
Discussion about this post