Gjykata Speciale është duke kryer disa operacione në Kosovë, ku sot gjatë ditës raportohet se ka arrestuar ish-shefin e AKI-së, Bashkim Smakaj, ish-ushtarin e UÇK-së, Fadil Fazliun dhe ish-kryetarin e Malishevës, Isni Kilaj. Gjithashtu, zyrtarët e Speciales po vazhdojnë bastisjet edhe në shtëpinë e ish-ministrit të Drejtësisë, Hajredin Kuçit në Prishtinë.
Derisa po vazhdon bastisja në shtëpinë e Kuçit, policia po ashtu ka bllokuar rrugën e lagjes së tij. Për bastisjes dhe arrestimet e Speciales ka pasur disa reagime.
Ndryshe, Zyra e Prokurorit të Specializuar (ZPS) përmes një njoftimi për media ka bërë të ditur se janë duke kryer operacione në vazhdimësi në Kosovë në një proces hetimor që përqendrohet në vepra penale kundër administrimit të drejtësisë.
Sipas njoftimit, operacionet e ZPS-së janë autorizuar nga ana gjyqësore prej Dhomave të Specializuara të Kosovës (DHSK) dhe janë mbështetur nga Misioni i Bashkimit Evropian për Sundimin e Ligjit në Kosovë (EULEX).
