Nuk dihet shkaku i entuziazmit të Taulant Ballës mirëpo dje duket se ka qenë pak më në avancë se zakonisht. ”Live” në emision ai i ka thërritur zemër gazetares Klodiana Lala, term ky që nuk është pritur fare mirë nga gazetarja.
Pak para se të kryhej lidhja me të gjatë transmetimit, deputeti Balla nisi duke e quajtur fillimisht ‘gocë’ dhe i dha vulën e fundit me një ‘hë mi zemër…’ që Lala nuk e toleroi më.
“Eee do fusësh prapë atë gocën, paska ikur…” tha Balla kur Ylli njoftoi lidhjen me Klodianën dhe kur Lala doli në ekran ia dha ‘hë mi zemër…’.
“Unë nuk jam gocë e para, jam zonjë. Dhe fjalën zemër tërhiqe mbrapsht,” iu përgjigj e vendosur gazetarja.
Ditët e fundit në vendin tonë janë shtuar ndjeshëm debatet në lidhje me zgjedhjen e kryeprokurorit të ri, ku sipas Lalës më e avantazhuar për marrjen e postit nga ana e PS-së shihet Arta Marku, prokurore në Shkodër.
(E.K/FAXWEB)
Discussion about this post