Pas deklaratave të kreut të LIBRA-s Ben Blushi për bletët e ngordhura nga hashashi, kundërpërgjigjet zëdhënësja e Kryesisë së Partisë Socialiste Elisa Spiropali.
“O Blush, duket qartë që je një grenxë që s’ke haber nga bletët. Bletët mor Blush nuk kanë neuroreceptore (cnr) që t’i zërë pija apo tymi i barit, por ti Blush je bërë si Shvejku që thoshte ç’më duhet mua çfarë them unë. Kur them unë që ti Blush lexon vetëm librat e tu, njerëzia kujtojnë se e kam me talentin tënd letrar, për të cilin në fakt nuk kam ndonjë respekt. Sepse ti o Blush je një asshkrimtar aspolitikan, as nektar as bletë, po një dembel qe llafollogjis për të pickuar dynjane si një grenxë që urren çdo bletë e çdo nektar. Mezi po pres të të shoh o Blush kur të shohësh se nuk të ha njeri as për libër as për libra në 18 qershor.”, reagon ajo.
Paraditen e sotme, Blushi foli lidhur me një raport të fundit që flet për një dëm prej 60 milionë eurosh të shkaktuar nga zhdukja e rreth 40% e koshereve në vendin tonë. Studimi i revistës “Monitor” ngrinte shqetësimin, se një ndër shkaqet mendohet të jetë trullosja e bletëve nga hashashi.
Lidhur me këtë lajm, Blushi akuzon kryeministrin Rama për të cilin shprehet se mes shumë dëmeve të tjera do të mbahet mend edhe si kryeministri që vret bletët. Në fund ai ngre pyetjen se a duhen më shumë arsye për ta hequr një Kryeministër të tillë. (D.D/Shuplaka)
Discussion about this post