E ftuar në “Fax News”, deputetja e PS-së Elisa Spiropali ka thënë se propozimet e PD-së erdhën nga aktorët e saj u braktis çdo lloj diskutimi dhe komisioni, vjen me disa propozime që, sipas saj do të diskutohen nesër.
Ajo deklaroi se është punë e opozitës se kur i bën këto propozime pasi PD sipas saj ka shprehur paqëndrueshmëri në vijim, ndërsa bëri një deklaratë të fortë kur tha se opozita e sotme është më e dobët që nga 1997.
Ajo tha se në parim ishte dakord me një nga propozimet për librat falas, duke ironiazuar disa nga amendamentet e tjera ku tha se PD mund ta çojë edhe në 50% rritjen e pensioneve por është punë e tyre.
Spiropali u pyet gjithashtu edhe për rastin e Tahirit ku tha se PS nuk e bëri shurdh veshin ndaj drejtësisë për rastin e Tahirit por deklaropi se Prokuroria nuk kishte prova të mjaftueshme.
“Praktikisht bokotoi çdo komision, kundërshtoi me fjalë por dhe me veprime, mbërritën deri aty sa thanë se ky është buxheti i pastrimit të parave, duke përfshirë edhe bankat. Kjo është opozita më e dobët që nga viti 1997.
Tani papritur kanë paraqitur këto amendamente, është e drejta e tyre të jenë të paqëndrueshëm sic kanë qenë, por këto duhet të ishin paraqitur më parpara për tu debatuar dhe konsultuar. Për shembull pashë një amendamet për librat falas dhe paramisht jam pro. Aty çfarë nuk kishte edhe rritje me 20% e pensioneve, ata po të duan ta çojnë edhe 50%, është pune e tyre. Megjithatë amendamentet do të diskutohen nesër në Kuvend, aty është sheshi dhe mejdani, LSI do ketë diskutimet e veta, ne tonat, se edhe nga tanët mund të ketë deputet që nuk është dakord”, tha Spiraopali. (B.H/Faxweb)
