Deputetja e PS-së Elisa Spiropali gjatë seancës së sotme plenare është shprehur se opozita nuk pranon ndryshime. Sipas Spiropalit opozita ka si mjete çizmen dhe çadrën dhe se ka ngritur lart flamurin e reckosur të pseudopatriotizmit dhe demek barazisë.
“Kur sëpari lexova kërkesën e opozitës për debat mbi Jeurzalemin mendja më shkoi instiktivisht te një nevojë e pavetëdijshme e opozitës për t’u lidhur me ndjenja të larta shpirtërore. Një shtytje për t’u falur në një kënd të rruzullit, larg sa më larg prej këtu. Por duke u dëgjuar u kthjellova dhe kujtova se opozita ka treguar vijimësisht dhe pa u lodhur që nuk vuan nga ndjenja të tilla reflektimi dhe pendese. S’mund të jetë pra kjo arsyeja e debatit të sotëm. Mos ndoshta m’u faneps për së dyti opozita ka tejkaluar të gjitha keqkuptimet, pengesat, ngërçet dhe kacafytjet e këtushme dhe kërkon një vend në tryezën botërore për të diskutuar mbi çështjet e përkatësisë, tokës, gjakut, fesë dhe i është futur kokë e këmbë çështjeve të ndërlikuara të lindjes së mesme. Duke gjykuar nga teksti dhe dikutimet e parafolse as kjo nuk tingëllon fort e besueshme. Përgjasimi i tretë me ç’po na shohin sytë dhe po na dëgjojnë veshët po më duket se vjen nga historia jonë, historia jonë na marrshin të gjithë të ligat nuk na lë kurrë mbrapa.
Ka një ngjashmëri të hatashme mes çetave dumbabiste dhe garnizonit opozitar. Sigurisht kohë tjetër, stil tjetër, s’thonë kot sipas kohës dhe çizmen dhe sipas bulevardit dhe çadrës por nuk jemi ne këtu sot për t’u marrë me stilin por me thelbin. Cili është thelbi i aksionit tuaj dhe pse ngjajnë aq shumë udhëheqësit e sotëm të revolucionit me prijsat e gjullurdisë dumbabiste. Ju luftoni me çdo mjet dhe korrni sukses me iluzione që ju çojnë në humbje. Ju nuk pranoni ndryshimin e pashmangshëm. Mjeti juaj është çizmja dhe çadra. Flisni për qamete dhe atentate, shkakrime. Ju keni ngritur lart flamurin e rreckosur të pseudopatriotizmit dhe demek barazisë. Shqiptarët ju kanë braktisur me kohë. “, u shpreh Spiropali. (J.V/Faxweb)
Discussion about this post