Posti i zëvendëskryeministrit të Shqipërisë është një ndër postet që Edi Rama sakrifikoi në marrëveshjen e tij me kryedemokratin Lulzim Basha, pas posteve të gjashtë ministrave. Niko Peleshi renditet ndër emrat më të rëndësishme të qeverisë Rama.
Dhe sot në takimin e Partisë Socialiste organizuar në Korçë, kandidati i parë i PS-së për deputet, Niko Peleshi, mbajti fjalën e tij. Ajo që tërhoqi vëmendje ishte prezantimi që i bëri kandidatja e PS-së, Elisa Spiropali.
“Zëvendëskryeministri më i mirë që ka pasur historia e Shqipërisë”, u shpreh Spiropali.
Në fjalën e tij, Niko Peleshi u ndal tek marrëveshja Rama-Basha, të cilën e cilësoi si përpjekje dhe sakrificë të Partisë Socialiste për t’i bërë të gjithë pjesë të historisë së Shqipërisë.
“Le ta fillojmë sot këtu duke parë njëri-tjertrin në sy. Qeveria e PS-së do i japë Shqipërisë zgjedhjet e para të lira e të ndershme e të pakotenstueshme në politikën shqiptare. Shumë socialist mund të ndihen të paqartë ose të hidhëruar se një pjesë e pushtetit i ka kaluar opozitës. Sot kemi vetëm një detyrë, t’i bëjmë të gjithë pjesë për historinë tonë, për Shqipërinë e gjeneratës tjetër.:, u shpreh ndër të tjera Peleshi.
(XH.A/SHUPLAKA)
Discussion about this post