Teksa na ndan më pak se një muaj nga zhvillimi i zgjedhjeve parlamentare më 25 qershor, datë që u vendos si rezultat i marrëveshjes Rama-Basha, e cila i hapi rrugën edhe Vettingut”, mësohet se në listat e kandidatëve për Vettingu-n dhe ata për deputetë ka “spiunë”.
Lajmi është bërë i ditur nga vetë ky institucion, konkretisht nga drejtuesja e Autoritetit për Informim mbi dokumentet e ish-Sigurimit të Shtetit, Gentiana Sula, në emisionin e mëngjesit “7pa5” në “VizionPlus”.
Sula zbuloi se brenda pak kohësh janë identifikuar emrat e disa prej ish-bashkëpunëtorëve në këto lista.
Në kuadër të këtij lajmi, i është bërë apel partive që të verifikojnë listat e kandidatëve, megjithëse kjo mbetet në dëshirën e subjekteve. Sa u përket emrave lidhur me reformën në drejtësi, ai është një detyrim ligjor.
(XH.A/SHUPLAKA)
