Gazetari Edi Oga ka reaguar pas lajmit të publikuar në disa portale, sipas të cilave ai kishte blerë një makinë luksoze të markës Ferrari.
Ka qenë vetë Oga, ai që postoi një foto në rrjetet sociale, ku shfaqej para një Ferrari dhe me ironi shkruante “Pas 24 viteve punë, me kursimet e mia realizova një ëndërr. Ia dola të blej edhe unë një… celular me kamera për selfie!
Dhe kjo mund të jetë keqkuptuar nga shumë portale dhe njerëz, ndaj dhe Oga është detyruar të bëjë një tjetër sqarim në rrjetet sociale.
Sqarimi i Edi Ogës:
Statusin për “Ferrarin” e kanë komentuar disa portale. Zgjedhja e tyre. Por më kanë “kryqëzuar” me komente… kanë besuar se vërtetë kam blerë Ferrari (sa të jem gjallë nuk do të futem kurrë në një makinë të tillë as për një xhiro !!)…
Si e kanë lexuar vallë ?! Kanë parë vetëm foton ?! Më kanë emërtuar gjithfarë, më kanë ofenduar dhe “uruar” të bëhem copa me këtë makinë !!! Kjo më trishton pa masë, më vjen shumë keq për këta individë, por unë nuk kam pse ndikohem prej këtyre keqkuptimeve dhe të shkruaj ndryshe.
