Mbrëmjen e sotme po zhvillohet ndeshja e kombëtares shqiptare me Andorën, në stadiumin Elbasan Arena, e vlefshme për eliminatoret e “Euro 2020”.
Por siç edhe lajmëruam më herët, kombëtarja ishte braktisur nga tifozët dhe shkallët e stadiumit thuajse ishin bosh.
Për këtë ka reaguar edhe gazetari Artan Hoxha, i cili me ironi i është përgjigjur inxhinierit Arben Dervishaj, i cili pak kohë më parë deklaroi se “futbolli nuk është për hallezhinjtë”.
Hoxha ka publikuar një foto nga stadium ku shkruan se aty janë vetëm “Hallexhinjtë” dhe se miliarderët e FSHF dhe politikës kanë ftesë për në tribunën VIP, në stadiumin e ri.
“Si tha ai inxhinieri i Don Armandos? Futbolli nuk është sport për HALLEXHINJTË?!!! Në Elbasan Arena, ndeshja Shqiperi vs Andora. Sot në stadium janë vetëm HALLEXHINJTË… Miliarderët e FSHF dhe politikës kanë ftesë për në tribunën VIP, në stadiumin e ri me datë 17 nëntor Shqipëri vs France… Kombëtarja kuqezi është e HALLEXHINJVE…O sa mirë me qënë shqiptar,“-shkruan Hoxha.
