Trajneri i Partizanit Sulejma Starova, duke folur për trajnerët e huaj u shpreh se nuk e pranon se ata janë më të mirë se trajnerët shqiptar.
“Nuk e duroj shprehjen që është shumë herë më mirë, se edhe ju e dini përgjigjen. Po të bësh llogaritë kush ka bërë më mirë, më rezultojnë që kanë bërë shqiptarët më mirë, në kampionat as që diskutohet. Asnjë i huaj nuk ka bërë mirë, qoftë edhe ata që mbas dështimit në Shqipëri kanë bërë rrugë le të themi jashtë”, tha Starova.
Për De Biazin Starova u shpreh se ai ka marrë shumë më tepër nga ne.
“De Biazi mori shumë më tepër nga ne, mori shumë më tepër nga Shqipëria sesa dha, mori sodisfaksion më tepër se të gjitha. Por duhet të dini që trajnerët shqiptarë nëse vihen në drejtim atje jashtë, të jeni të sigurt që e bëjnë punën si ata. Nuk po e them më tepër, por them me modesti që me siguri e bëjnë njëlloj punën”, deklaroi Starova. (B.H/Shuplaka)
Discussion about this post