Botërori i mbajtur në Rusi është konsideruar si një nga turnetë më të realizuar, të paktën ky është opinioni i specialistëve, të cilët këtë e bazojnë në prova e fakte. Krahas organizimit perfekt, në Rusi ka patur edhe një numër të shtuar të tifozëve duke krahasuar me Botërorin e katër viteve më parë, i cili u zhvillua në Brazil.
Të dhënat e publikuar nga FIFA tregojnë se gjithsej vendi organizator ka pritur 7.7 milionë vizitorë, shifër kjo që është rritur me 2.5 milionë në krahasim me Brazilin e para katër viteve.
Vizitorët nuk kanë qenë vetëm në stadium, por “Fan Zone” ka patur një dendësi të madhe tifozësh. Kjo natyrisht tregon se Rusia ka treguar shenja mikpritjeje, ku fjalët e mira dhe birrat asnjëherë nuk kanë munguar, shkruan sport plus.
Ndeshja me më shumë vizitorë në Rusia ishte ajo mes vendit organizator dhe amerikano-jugorëve të Uruguait me 25 qershor. Kjo sfidë është parë nga 499,000 mijë tifozë në 11 “Fan Zone”.
