Mungesa e Këshillit të Lartë të Gjyqësorit dhe Këshillit të Lartë të Prokurorisë ka bllokuar Shkollën e Magjistraturës pasi koha e dispozitave kalimtare ka mbaruar dhe askush nuk mund të emërojë magjistratët që përfundojnë studimet në qershor, ndërkohë që Shkolla e ka të pamundur edhe të nisë konkurset e reja në vjeshtë.
Për të zgjidhur ngërçin, mazhoranca nuk ka gjetur rrugë tjetër veç ndryshimit të ligjit, duke ia lënë emërimet në dorë Këshillit të Lartë të Drejtësisë dhe Prokurores së Përgjithshme të Përkohshme.
“Por në lidhje me këtë deputeti i PD-së Enkelejd Alibeaj thotë se fakti që brenda dy viteve maxhoranca tenton të rishikojë një ligj të reformës në drejtësi tregon minimalisht faktin se sa dritëshkurtër ka qenë maxhoranca e cila sipas tij si qëllim ka kapjen e institucioneve të drejtësisë.
“Tregon paqëndrushmërinë e reformës në drejtësi, është rasti i parë domethënës, ku një ligj të rishikohet kaq shpejt nga ana e kësaj maxhorance. Tregon minimalisht faktin se ato të cilët e miratuan kanë qenë më së paku dritëshkurtër, është ankthi që ka patur kjo maxhorancë, dhe qëllimi është kapja e sitemit të drejtësië. Organi që prodhon gjyqtarë dhe prokurorë është Shkolla e Magjistraturës. E kapën KLD-në dhe bashkë me të edhe shkollën e Magjistraturës se varej nga KLD, kapën sistemin, prurjet e reja kalojnë nëpër filtrat partiakë.
Sot sistemi i drejtësisë është shkatërruar. 25 mijë dosje janë në Gjykatën e Lartë. Po bëjnë emërime antiligjore. Këta po mendojnë si të sjellin të tjerë persona nga celula e PS-së.
Provat i ka dhënë Komisioni i Venecia, e ka thënë shprehur e shkoqur, rreziku më i madh që i kanoset këtij mekanizmi, do të ishte kapja e procesit nga njëra palë, dhe ajo palë është qeverisja. Këtë e bëri Komisioni i Reformës në Drejtësi që drejtohej nga Fatmir Xhafaj i cili ka menduar të fusë miq dhe shokë. Janë marrë që deri dje ishin ekspertët e nivelit të lartë që rezultuan të ishin miq të njohur me PS-së.
Logjika është shumë e thjeshtë, shkatërro gjithçka, Gjykatë Kushtetuese dhe Gjykatë të Lartë dhe qeveria nuk kontrollohet, hiq mjetet e kontrollit dhe kap sistemin. Si ka mundësi që nuk është ngritur Këshilli i Lartë i Prokurorisë dhe Gjyqësorit”, u shpreh ndër të tjera Alibeaj. (B.H/Faxweb)
